 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ізноў вясна гасьцюе на Вушаччыне.
Цяпер блакіту маладзець з рукі.
Няўпэўнена, ўспамінліва, ўскалмачана
Ступаюць на праталіны гракі.
Загаварылі крыгі хрыплай моваю,
Разьліўся ручаёў сьцюдзёны сьпеў.
Пакуль што футру цёплую, зімовую
Таропкі заяц скінуць не пасьпеў.
Запахла багунамі ды жывіцаю.
Хмель забрадзіў у баравых імхах.
Вось-вось гарачых коней бліскавіцаю
Пярун пагоніць на гручасты шлях.
На ганку новай хаты шпак высьвіствае
Крутым узгоркам прыпякло гарбы.
Як кураняткі, кволыя, пушыстыя,
Прадзюбнуліся коцікі вярбы...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
